MMVI·VI·X : DIE·SATVRNI : A·D·IV·ID·IVN

GROVCHO MARX IN SPECVLI SCENA

Ecce comicus praeclarus classicusque Groucho Marx qui hac in scena famosissima se in "speculo" uidet.

---

MMVI·VI·VIII : DIE·IOVIS : A·D·VI·ID·IVN : MENSIS·FESTVS

CONSTELLATIO MISSIO

Die Veneris a.d. IV non. Iun. de noua missione lunari infra scripsi cui nuper nuntiatum est CONSTELLATIONI nomen factum. Vt nunc proponunt, totae spationauae paratae erunt anno MMIX, sed non ante annum MMXVIII, ut hoc tempore res se habet, missio efferetur, propter grauem sed, secundum multos, segniorem schedulam anno MMIV praesidente Americano annuntiatam. Ratio fuit, illos 'Space Shuttle' amantes adhuc Shuttle uti uelle, itaque sinamus eos Shuttle uehiculum ad Internationalem Stationem Spatialem perficiendum adhibere usque ad decennis finem, dein rursus Lunam adeamus cum nouo Cohortis Explorationis Vehiculi HLV (Heavy Launch Vehicle, id est uehiculum magni oneris exlatorium). At "[NASA Administratoris] Griffin HLV missilis formatio sctructuralis CXXV tonnas metricas in imam orbitam terrestrem effere poterit," inquit Dr. Robertus Zubrin, callidissimus spatialis machinator qui Martis Societatis praeses proposuit persequiturque suum optimum consilium homines inter X annos ad Martem afferendi:

Shuttle uero XX tonnas tantum portare potest. Itaque singula exlatione HLV tantum quantum Shuttle uno toto anno potest efferre — anno bono, id est. . . Re uera HLV postmeridie quodam omnia duodeuiginti annorum programmatis Shuttle capacitatis deducere potest.

Velificare programma Shuttle annos quinque sexue ut efferantur pauca onera ad Stationem Spatialem nobis constabat XXX miliardis dollarorum. Illa omnis pecunia conseruetur simpliciter si post Hubble [Spatialis Telescopii] refectionem Shuttle ipsum exstinguamus, atque argentum Shuttle programmatis continuo ad HLV progressionem uertamus aliaque explorationis Lunaris instrumenta. Tum HLV uti possimus ad Spatialem Stationem perficiendam ac itaque Lunam aduenire sub MMXII, non MMXVIII.

Ei omnino assentio.

Ceterum nomina sunt uehiculis omnibus data; ut inferioribus imaginibus tueri licet, duo missilia habebimus, quae ARES ambo appellabuntur. Videtis duo Aris missilia (ad dextram) apud Shuttle in media imagine ac Apollinis Saturnum V missile, hac imagine scala utente. Illud missile paruius cohortis exlatorium quod 'Baculo' nomine notum est ARES I erit, ARES V oneris exlatorium seu "Magnum" (ita, uocabulo Latino ututnur). Cohortis Explorationis Vehiculi capsula (Apollinis similis) ANTARES nominabitur (aptissime censeo quod antares Grace "ante Aren" sibi uelit, sicut hoc Antares uehicilum ante Aren I missile sedens), ac uehiculum lunare ARTEMIS.

---

MMVI·VI·VII : DIE·MERCVRII : A·D·VII·ID·IVN : VESTALIA†

RAPHAELIS ARTIS PICTAE PINACOTHECA

Spectetis si uultis hanc pinacothecam operis artificis Itali Altae Renascentiae magni Raphaelis. Raphael Santius Florentinus a.d. VIII id. Apr. MCDLXXXIII anno natus pictor architectusque tot et tanta opera perfecit sua uita, inter artifices eius temporis laudatissimus. Pictura supera Virginis Matrimonium nominata praeclara est ob perspectiuae artis omnium aetatis exemplarem.

Quae non in pinacotheca exhibitur, haec Fautricis pictura Raphaelis dilectissima cum cherubim:

Ac pinacothecae imago prima, Equitis Somnium, quam aliis praefero quod et ipse culpabilis sum magniminitatis equitum somniis cupiendi:

METEORON TAENIOLA CAPTVM

Ecce taeniola meteori de caelo cadentis autoraedario uehente in uia.

† Vestalia temporibus Romanis ab a.d. VII idus Iunias usque ad a.d. XVII kalendas Iulias celebrabantur, Vestae sacrissima.

---

MMVI·VI·V : DIE·LVNAE : NONIS·IVNIIS

DE NATRICE

Natrix septentrionalis communissima est inter fluuios Pensyluanienses, cui nomen Nerodia sipedon est taxinomicum, quae plus quam quattuor pedes longa esse potest. Quod humi saepe iacet eius colores abscondi possunt, etiam speciebus aliis similis uideri. Vt solet fuluua, cinerea, subruber, fuscaue est natrix quae cum signibus tum coloribus inter alias uariat. Fascias in corpore gerunt fuscas, uentreque colorum formas albas, flauas, pullas. Cum senescit natrix atra fit.

Natrix scilicet apud amnes, canales lacusque habitat inter folia latens praesertim mures, ac etiam ranas, salamandras, turturculos, auiculas, eius praedas exspectans. Interdiu noctuque mobilis est, noctu pisciculos uenans, ac uideri solet in cippis, foliis, et supra saxa solis luce calida iacens. Heri quidem duas talium natricum inter se tranquillae interplicantes solem gaudentes apud domus uestibulum conspexi, eorumque photographiam inde feci:

Quoque die plurimas uideo, etiam hodie numero quattuor natrices. Admiror uero, quod satis procul sunt hae natricum aedes ab Aquula amniculo, et altae; stant quidem X XVue passus ab aqua. Vbi hae duae uidentur, in saxo iacent quod altum est in muro situm, octo pedes saltem a terra. Quoniam hic locus uicinissimus est prope uiam ad domus ianuam, frequenter de uestibulo ambulo natrices primo non uidens, eas terreo, easque uideo de saxo serpere et cadere e conspectu! Sed redeunt, ut arbitror, inter hunc saxorum murum laetae.