 |
|
 |
|
|
|
|
|
|
|
|
MMVI·V·XIX : DIE·VENERIS : A·D·XIV·KAL·IVN Hic situs plurimos ueterum lusus tabulatos monstrat. Regulae maioris partis explicantur ut denuo ludantur hi lusus mirifici. Potissimum malo Latrunculos, cuius lusus regulas infra reddam: I. Tabulam facito quae VIII quadra longa et XII quadra lata est cum acierum instructione ut supra uidetur. II. Atri latrunculi primi ludent. III. Cuique latrunculo longe et late (non diagonaliter) omni numero quadrorum ire licebit (tamquam scaci lusus hodierni turris). IV. Latrunculus proprius (non Dux) capietur cum duo latrunculi hostium utrimque cirumstabunt. V. Parietibus uero ad latrunculos proprios capiendos non uti poteritis, sed Dux ipse colligari potest si in pariete stabit. VI. Cum latrunculus solus in angulo stabit, capiatur si duo ex hostibus latrunculi in quadris et ante et a lato obsideant. VII. Multi latrunculi, cum lineam facient, simul capiantur si a tergo quadri omnes occupentur ab hostibus et deinde ante lineam latrunculus solus hostium praetereat ad ultimum quadrum quo consistat. VIII. Dux, seu Aquila, est latrunculus pyramidis forma qui a duobus capi non licebit (nisi in angulo stabit Dux), at colligetur si quattuor hostium utrimque et utrimque circumstent. IX. Primus lusorum qui alterius Ducem capiet uincet. X. Si neuter Dux capi poterit, qui latrunculos numero plurimos ceperit uincet. XI. Lusores annuntiare oportebit cum latrunculus capiatur. LATRVNCVLVS nomen plane est forma diminutiua LATRONIS. LATRO uero, non "praedonem" temporibus antiquis significabat cum lusus inuentus sit, sed militem mercennarium sibi uellet. Latrunculis ludebant Romani usque ad saeculum quartum post Christum. Nunc uero ludeamus nosmet! Ecce photographia latrunculorum meorum quos heri confeci, foris in uestibulo stantes non procul ab Aquula amniculo: Ex creta eos sculpsi, lingoque laminato usus sum pro tabula.
MMVI·V·XVIII : DIE·IOVIS : A·D·XV·KAL·IVN : APOLLINI·SACER
Ecce iucundus ac adictiuus lusus nouus 'legibus physicis fungens' qui 'Flash' actorio utitur, nomine "wOne," cuius significationem longe non teneo, at utique in lusu pneumaticum conducitur clauiaturae sagittis (sinistrorsum dextrorsumque) ut dolia in locis insolitis capiantur. Vt ludatis, pulsate "PLAY" uerbum, deinde ex quinque (ni sex?) locis imis unum eligite, tum cum incipitis uerba "Ready, Set, Go!" leguntur, id est, "Promptus, Paratus, Age!"
MMVI·V·XVI : DIE·MARTIS : A·D·XVII·KAL·IVN
Quaque nocte in mea uillula ruri fenestra aeri aperta soni pipiatorum uernorum aures delectant musicaque eorum perfruor. Genus est pipiator hylarum quae paruissimae sunt ranae in arboribus incolentes. Etiamsi multa ranarum genera noctu canunt, pipiator uernus mirus habetur quod cantus eius bellissimus est prorsus auditu, symphonia ruris propria. Apud riuos ut solet habitat, amniculus enim modo quinque passibus a fenestra fluit, qui amoenia loca aquosa efficit ad pipiatores uernos alendos aptissima.
Aestate praeterita mater mea pipiatorem casu in horto inuenit eiusque photographiam in maternis manibus sedentis feci, quam infra apponi. Etsi tam paruulus est, uocem habet centies ampliorem sua magnitudine pusillissima. Hoc situ, qui huic situi appertinet, audiuntur uoces duorum tantum pipiatorum imbre subter scenam cadenti, at cum centeni in silua canunt, concentus agrestis est uerus.
Nexus imaginis principalis supra ad paginem Vicipaediae mittit, sed ipse uolebam ut paginam in Latinum sermonem conuersam apponerem, neque enim sciebam quomodo facerem. Scitne aliquis quomodo paginam Vicipaediae nouam apponatur? Hoc saltem tempore uersionem infra apponam:
Pipiator uernus, cuius nomen scientificum Hyla crucifer uel Pseudacris crucifer habetur, hylula seu ranula arborea est quae per omnes Vnitorum Statuum regiones orientales percrebruit. Vernus pipiator est ranula perparua, longitudine adulta inter 0.75 et 1.5 uncias. Crucem atram in tergo fert 'X' litterae similem, tametsi interdum signum indistinctum haberi potest. Inter pipiatoris uerni colorationes pleraeque hylarum huius speciei fului, fusci, oleuacei, cinerei, uiridesue sunt. Coloribus clarioribus sunt feminae cum mares paruiores ac fauces obscuriores habent.
Subspecies pipiatoris uerni duae sunt, pipiator septentrionalis, P. c. crucifer, et meridionalis, P. c. bartramiana. Septentrionalis meridionalis simils est praeterquam merdionalis forte signum obscurum uentre fert. Meridionalis pipiator uernus Flordiam ac Georgiam incolit, cum septentrionalis ubicumque in America orientali habitat.
Insectulos est uernus pipiator, exempli gratia araneas, formicas, insectos aquaticos, inter praedatores eius naturales angues, putorii, ranae magniores. In meridionibus pipiatores ab Octobri usque ad Martium gignunt, si tempestas fauet. In septentrionibus a Martio caelo pluuiali calido usque ad Iunum gignunt. Verni pipiatores solent CM oua gignere, etiam M. Tempestate frigidissima sub trabibus ac arborum corticibus laxis hibernant. Nocturni sunt pipiatores, itaque audiuntur sed non uidentur ut solet. Ac facillime est eos audire quod uocatione coniugendi praeclara utuntur, unde nimirum eorum appellatio "pipiator" uenit.
MMVI·V·XV : DIE·LVNAE : IDIBVS·MAIIS : LVDI·MERCVRII·ET·MAIAE·VESTAE·TIBERIQ·SACER
Satis formidulosa est haec taeniola, etiamsi bella. Pellicula est musicalis cantici "It's Not the End of the World," "De Mundo Actum Non Est," gregis Superorum Animaliorum Pellosorum (Super Furry Animals). Graphicis computatralibus splendidis utens pupulorum spectaculum simulat ueluti ex metallo factum sit. Hoc arte perfecto scenae narrant liberorum somnia puerilia in bellum deprauata, hique uersus placidi audiuntur:
Cum obdormiscis ante diei finem sollicitaris
Vt cum taxiraeda aduenit te confestim ablatum cum non properas
Atqui capillis nobis candidioribus cadentibus stellae omnes etiam splendent supra nos
Saltem de mundo actum non est.
Ferias agere possemus; quoniam senes semel erimus aliquid intersimus
Odium terrarum omne in merulam mutemus uti auolet
Atqui capillis nobis canescentibus omnia longe a recte habentur
Saltem de mundo actum non est.
MMVI·L·AMADEI·RANIERI